Datorren urtarrilaren 29an Burlatako Udaletxeko
osoko bilkuran Mordaza Ordenantza landuko da. Jokabide ez-gizabidezkoak
arautzeko aitzakian, gure eskubide eta askatasunen murrizketa bat suposatuko
du. Izan ere, bere helburu nagusia gure herriko kaleetan adierazpen
askatasuna zentsuratzea da.
Bere izaera autoritarioa da, herritarrak
beldurraren bidez mota guztietako debekuetara eramateko (kartelak jartzea,
lehiotik edozer zintzilikatzea, baloiarekin jolastu edo bizikletarekin ibili,
kalean mahai bat jartzea, inkestak egitea edo sinadurak biltzea, kale-eskean
aritzea...). Gainera, 1500 euro arteko isunak jar ditzakete.
Azkenik, aipatu nahi dugu, gure bizitzeran
eragin handia duen horrelako araudi bat egiteko, ezin dela egin jendeari bizkar
emanez. Elkarbizitza bultzatzeko beharrezkoa da prozesu partehartzaile oso bat
garatzea.
Hau guztiagatik, Burlatarrok, gonbidatzen
zaituztegu mordaza ordenantzaren kontra agertzeko, mobilizazio hauetan parte
hartuz:
§ MANIFESTAZIOA “Gure
eskubideen alde, ez lege, ez ordenantza mordaza”. Asteazkena, urtarrilak
28, 19.30etan Askas plazatik.
§ KONTZENTRAZIOA Larrainetako plazan, Udaletxe parean,
18.00etatik 19.00etara, osteguna urtarrilak 29, osoko bilkurarekin batera.
No hay comentarios:
Publicar un comentario